【棟仁的時光】朱晨麗生於內地在港未受歧視：香港人好包容
於2011年度羸得香港小姐競選冠軍而加入無綫的朱晨麗 (Rebecca) 近年備受力捧，早前更於《2017萬千星輝頒獎禮》奪得最佳女配角，今年也有多部劇集陸續上映和拍攝。最近播出的新劇《棟仁的時光》入面，在劇中擔演女二飾演莫熙蓮的Rebecca就有高難度的性感演出，表演鋼管舞，對她來說是很大的挑戰和突破。對於公司給予咁多機會，她當然開心。Rebecca的星途並沒有因她是內地人的身份而受到影響。她出生於江蘇蘇州，當年來香港入讀演藝學院時，完全不懂得聽和講廣東話，一直好努力和用心去學習。
提到年初她於萬千星輝頒獎禮上奪得最佳女配角時的得獎致詞，她有感而發的一句「希望內地來港嘅小朋友可以打出一片天」，鼓勵像她一樣在內地出生後來香港發展的大陸人，豈料竟惹來網民的負評，似乎香港有不少人都對「內地人」這個身份存有偏見。對此，Rebecca表示：「我係好想鼓勵返同我有差唔多經歷嘅人，其實唔係淨係嚟自內地，總之係所有離鄉別井到外地發展嘅人，喺陌生環境奮鬥嘅人。」
她認為在那裡出世都不應受到歧視，她說：「我覺得呢個世界嘅包容性好強，一個人喺邊度出世都唔係一個錯嚟，最重要係做返自己同做好自己。我喺香港完全無話因為我喺邊度嚟就少咗機會，就算荷李活都好open，人哋都唔會局限用邊個地方出世嘅演員，只要做得好，有實力，都可以讓觀眾產生到共嗚嘅。」
Rebecca在港多年，亦沒有因為自己來自內地而遭到歧視，又或是被人欺負，她說：「我初初嚟香港時完全唔識廣東話，但香港人都對我好包容，好體諒同好照顧我，我好感恩大家都對我好友善。我好鍾意香港，喺呢度生活咗咁多年已經覺得自己就好似土生土長嘅香港人咁樣。雖然有時依然會聽唔明啲廣東話，會有誤解或者係自己講到令人誤會，但我一路改進緊，盡力去融入社會。」
攝：黃國立 Hair : Steve Shek Makeup : Soie IP