祥嫂退演黃夏蕙慈善演唱會：佢哋有欠尊重

早前黃夏蕙宣佈今晚（4月22日）於新光戲院舉行慈善演唱會，邀請近百藝人參與，而祥嫂（洪金梅）亦在演出名單之列。祥嫂在昨天（4月21日）表示唔願意參與演出：「因為我同大會在安排上有分歧，不會參予演唱會演出，希望透過傳媒朋友發佈消息，更希望知我諒我，唔出席原因有三點。」

祥嫂表示大會原安排她獻唱祥哥名曲《萬惡淫為首之乞食》，亦安排祥哥愛徒彭熾權及曾慧陪同演唱，但大會沒為二人申請工作證，涉違反法例。更且大會沒安排中樂伴奏，甚至拒絕採排要求，認為有欠尊重：「我諗住六點鐘左右去綵排試下走位，點知佢拒絕我要求，仲冇現場中樂樂隊伴奏，就咁播音樂帶，完全是兩回事。而大會亦要求當我唱《萬惡淫為首》之乞食個時，黃夏蕙要帶著我及一班人落臺，向台下觀眾募捐，但大會並沒安排保安維持秩序，極度滋擾觀眾之餘，亦影響祥哥呢首名曲的藝術性，祥哥幾十年都未試過這樣騷擾觀衆，我擔心會做成混亂，所以我決定唔出席。」