鹿晗生日關曉彤踏正零時送祝福　微博高調放閃

鹿晗 4 月 20 號 28歲生日，一眾跑男兄弟團都紛紛喺社交平台開PO送上祝福。呢個係鹿晗公開戀情後過嘅第一個生日，女朋友關曉彤亦好準時咁踏正零時零分，喺微博度送上祝福：「哎呀嘛 生日啦～快乐快乐！@M鹿M」附加一張鹿晗紮辮子相，高調晒恩愛。兩人拍拖半年，感情一度不被看好，但依家粉絲們似乎都接受咗二人一齊嘅事實，並留言送上祝福。

不過可能鹿晗拍完《奔跑吧兄弟》太攰喇，所以鬧出烏龍，認錯鄧超部電話係自己部電話，瘋狂輸入密碼，搞到鄧超部電話無辜被鎖死，搞到佢差不多要凌晨三點先解到鎖。鄧超於微博原文寫道：「零點的時候@M鹿M 拿著我手機瘋狂輸密碼…以為是他自己的手機…成功鎖死…搞得我現在才能送上祝福…我很睏…明天六點還要奔跑…但…我有誠信…生日快樂兒子」鄧超都算唔話得喇，第二朝六點通告都堅持出Po賀咗鹿晗生日先瞓。