陳瀅揸車最怕遇急燥司機：打晒燈舉晒手都唔肯讓我

無綫多個製作揚威「2018紐約國際電視電影節》勇奪七個獎項，其中陳瀅 (Jeannie) 有份主演的《全職沒女特約：酒店西人集》網絡宣傳片就獲得「數碼喜劇節目組別優異獎」，Jeannie出席祝捷酒店時被問到在日常生活，可有遇過一些「西人」(意指行為令人反感的人)，她想了想說：「通常都係遇到人打尖，同埋揸車唔肯讓嘅司機。香港人揸車比較急躁，我明明打晒燈舉晒手，都唔肯讓畀我，我唔明呢啲人嘅諗法，其實讓一讓唔會阻佢好耐，係咪真係咁趕時間？不過我8成遇到嘅都肯讓，得2成唔肯讓啫。」

至於畀人打尖，Jeannie就話在香港比較少，反而在外地常會遇到：「啲人明明打我尖仲要同我理論，好野蠻，我畀人打尖一定會出聲，絕對唔會啞人。」她自言自己亦不會做「西人」：「我自細畀婆婆教得好好，自問好有家教，對人好有禮貌。我會主動對人笑，同人打招呼，不過好多香港人反而會覺得我咁樣做好奇怪，我都試過畀人叫我唔使講咁多唔該多謝。」