過百Fans死跟　XIUMIN@EXO越南度假勁無奈　

貴為韓國人氣組合的EXO，平日做到無時停，難得有假期，當然想好好休休息一下，成員XIUMIN日前就選擇與家人去到越南旅行。可惜，他在當地的一舉一動有粉絲死跟，就連去食飯，都被過百粉絲在餐廳外面包圍，結果要出動保鑣去開路。

而當XIUMIN離開餐廳之後，粉絲用電單車沿路追到去酒店，由於酒店大堂實在超級多人，加上又有人推撞，又有人公然出手去摸XIUMIN，所以他們幾乎是被保鑣夾住奔跑，情況都幾無奈。就照片所以見，XIUMIN都有保持着笑容，但睇怕係受驚過度而俾錯了反應。