【流行經典50年】Super Girls五人齊曬美腿　睇腳好過聽佢哋唱歌

本地女子組合Super girls向來都不是行性感路線，即使5位成員不時在台上勁歌熱舞，但她們的衣着打扮以及舞姿都不似一些韓國女團咁大膽，相對地真係保守好多。雖然同韓國女團比，Super girls的形象比較密實，不過她們亦會不時騷下白滑美腿，向樂迷同粉絲派下福利。

無綫昨晚播出的一集《流行經典50年》，就有Super girls獻唱昔日開心少女組的兩首舊歌《明天》同《再不易忘記》。由於呢兩首都係慢歌，她們就無跳舞，穿上短裙熱褲的她們都是行行企企，曬下腿咁樣，都幾好睇㗎，有網民仲話睇她們對靚腳好過聽她們唱歌。當中以Heidi最搶Fo，因為Heidi條熱褲最短，加上她在隊中比較高，呢晚露最大截腿同最長腿。而同場仲有林穎彤唱張栢芝首《任何天氣》，唱得一般，着上白色喱士透視開叉連身裙的她，養眼度明顯不及Super girls喇。