【集體回憶】四大天王首次同台片段出土　網民：已經榮升四大外父

早前有千禧後學生接受訪問，誤會「四大天王」係一個組合，令一眾七、八、九十年後人士為之震驚，雖然四大天王似乎快要被時代洪流沖沒，但對我們這代人嚟講，佢哋係一個集體成長回憶。

近日網上一段四大天王於1992年首次破天荒同台嘅珍貴片段出土，片中四人（劉德華、張學友、郭富城及黎明）輪流勁歌熱舞，包括《真情流露》、《對你愛不完》、《第四晚心情》、《我的親愛》等等，真係首首都係回憶啊！非常經典！（唔小心透露年齡添！）

「四大天王」其中三名天王張學友、劉德華及郭富城都已經做咗老竇，仲個個都係生女，最近就連黎明都公布自己即將榮升老竇，雖然未知BB性別，可能網友都覺得佢一臉「外父相」啦，因此講笑封四人做「四大外父」，仲好搞事咁提議佢哋啲女結拜添。