雨僑赴南非託羅力威充當愛貓「摌屎官」：我好驚

雨僑與羅力威一對新人終於在3月31日結婚，結束了8年的愛情長跑，真係恭喜晒。雖然雨僑已成「羅太」，不過與丈夫「羅生」的婚後生活仍與婚前相差無幾，也是2個人加上2隻愛貓，樂也融融。

日前（3月13日）雨僑出席時裝店活動，不過婚後的她卻顯得心事重重。她接受《香港01》訪問時說：「我好驚，因為聽日要去南非2個禮拜，我嘅仔女要交俾佢照顧。（去南非旅行？）去拍有線電視嘅旅遊特輯，所以法國渡蜜月嘅話都要到9月先得。」

雨僑：「我上次只係擺底俾佢（羅力威）幾日，已經變成坑渠貓咁樣，啲毛又亂又有眼屎。佢就好似啲老豆咁，玩就有佢份，餵藥抺眼剪指甲梳毛嗰啲就我做。不過佢平時就『摌屎官』呢啲就做足嘅，亦都好錫佢哋。住會記得照顧嘅，不過就好似啲老豆唔記得幫囡囡梳辮咁。」羅力威需要照顧2隻貓2個星期，希望唔會發生咩問題啦。