Halsey暗示曾被性侵　走出陰霾後鼓勵女權

現年24歲嘅美國歌手Halsey兩年前同格林美得獎嘅DJ組合The Chainsmokers合作推出〈Closer〉一炮而紅，之後再唱〈格雷的五十道色戒2〉﹝Fifty Shades Darker﹞插曲，更於去年第45屆美國音樂大獎﹝AMA﹞中，獲得兩個提名。言行一向大膽嘅Halsey早前接受外國傳媒訪問時，亦不諱言向外界承認自己係雙性戀，同時因為唔想大家討論自己嘅性向，而把心一橫剪短頭髮，最近仲大方公開同饒舌歌手男友G-Eazy熱戀中。

但係風光背後眼淚又有邊個知？原來Halsey身世都幾慘，成長喺種族融合嘅家庭，爸爸屬非裔，媽媽係白種美國人，自細就面對住種族分歧，曾因與父母吵架而被趕出家門，於17歲嘅時候服藥自殺，並確認患上躁鬱症。早前Halsey出席女權活動NYC Women’s March上，進行演講時以過來人身分同大家分享過往經歷，佢喺演講詞中暗示於2002年時，曾經被媽媽朋友嘅兒子性侵，個原文就咁嘅：「he says that he’ll teach me to play the guitar if I just keep quiet. And the stairwell beside apartment 1245 will haunt me in my sleep for as long as I am alive. And I’m too young to know why it aches in my thighs.」大概意思就係，佢話只要我保持安靜，就會教我彈結他，1245號公寓旁嘅後樓梯喺我睡夢中纏住我，而我當時太年輕而唔知道我胯下會如此疼痛。

佢憶起20歲初出道時，在公開演出前下體出血流產，但因為唔想放棄難得嘅演出機會，而頂硬上著住成人尿片同服食止痛藥上台表演，而當時自己都唔知道懷有身孕，其後先知道患有子宮內膜異位症。Halsey直言雖然現時有個好錫自己嘅男友，但仍然後驚再患病，所以希望所有女性懂得保護同重視子宮健康。