網傳Angelababy化妝過程　偽素顏拍片惹負評

Angelababy（楊穎）貴為一代女神同整容指標，對自己個樣非常有信心，經常素顏示人。不過亦有唔少網民話佢素顏個樣唔係好見得人，妝前皮膚較黑，而且少了化妝品的加持，面欠缺血色，減少幾分仙氣。

Angelababy睇時裝Show都俾人鬧？ 疑合照Cut走景甜惹圍攻

網上聲音咁多，baby近來都好似減少咗以素顏示人，即使近日網上流傳一條baby化妝過程嘅短片，片中嘅baby都只係「偽素顏」。片中的baby睇嚟已經上好底妝，化妝師為佢做highlights、掃眼影、畫眉畫眼線同搽唇膏，短短幾個鏡頭，已經化好個妝。

化完妝嘅baby一如以往，天仙咁靚，不過有部份網民就唔係好buy，留言詬病baby偽素顏。但都有好多網民擁護baby，讚佢五官底子好，點化都靚。睇真啲，呢條片可能係一個彩妝廣告嚟，因為當中好似有刻意Show唇膏牌子同色號。