梁浸浸3歲生日牛奶妹造型襯到絕　鄭希怡訂製特大蛋糕賀愛女

細細個總有幻想過，可以開個盛大生日會，請晒朋友仔參與，圍住自己一齊唱生日歌，享受一刻做主角做焦點嘅感覺。4月8號係鄭希怡囡囡梁浸浸3歲生日，之前YUMIKO笑言阿女得陳真同Jasper兩個朋友，不過梁浸浸開到聲要有生日會，做阿媽嘅當然要使命必達啦，漏夜親手佈置兼訂造大大份禮物送俾壽星女。

自出世起梁浸浸已經萬千寵愛在一身，生日會除咗黃伊汶囝囝陳真，Sa契媽蔡卓妍都有到場。壽星女一頭曲髮相當可愛，潮媽Yumiko不時幫個女扮靚成個小model一樣。生日會做主角當然要悉心打扮啦，梁浸浸戴上紅色漁夫帽，黃色上衣襯一條粉藍裙褲相當卡哇兒﹗睇真啲點解有兩個梁浸浸嘅？原來旁邊呢個唔係公仔，真係食得落肚嘅蛋糕嚟架﹗

【星B去旅行】Jasper梁浸浸感情勁好 陳真人仔細細有暖男風範

Jasper同梁浸浸食零食識得開心share 獲讚乖巧唔霸道

Yumiko留言話：「三歲啦，今日有兩個bieber，surprise，呢個蛋糕好大呀﹗」原來呢個好媽媽為咗俾個驚喜壽星女，專誠去訂製同囡囡一樣，足足100cm高嘅蛋糕。Yumiko表示因為梁浸浸自細就鍾意呢個公仔，襯生日送上呢份大禮，再幫阿女著到同公仔一樣樣，第時大個睇返都係美好回憶。