【逆緣】一劇睇晒衰格上司　鍾志光最叻卸膊操　袁鎮業專門搶功勞

職場之中想要生存，擦鞋固然重要，不過成功擦到上級對鞋反光之前，就最好不要孭鑊，所以學識擦鞋之前，首先要識卸膊，就好似香港劇團「W創作社」幾年前的一套「卸膊操」，的確令很多打工仔獲益良多，更在最近熱播的《逆緣》當中，被鍾志光發揮得淋漓盡致，害得黎耀祥不僅失去了工作，更差點賠掉一個月代通知金，甚至要倒貼予公司。

劇中黎耀祥任職公證行員工，為了升職加人工，面對經理鍾志光的無理要求水裡水裡去，火裡火裡去。這並不誇張，黎耀祥真的搵命搏，《逆緣》第一集他已不惜弄髒弄臭自己，聽鍾志光支笛爬到馬路中的坑渠裡「工作」，更差點被車撞個正著。雖然鍾志光第一時間上前關心：「有冇事呀？」但原來問的不是黎耀祥本人有冇事，只關心他手上的「工作」有冇事！

鍾志光不關心下屬就算了，更一直搵人笨。他雖口講：「你做嘢又快又好，不枉我推薦你升職。」但實際只是在鋪路，旨在威逼利誘黎耀祥花錢買自己手上的慈善卷，更出口術說：「你放一日假陪家人去開心一下。」

重點來了，當黎耀祥真的如上司所言放假後，就被心情不佳的鍾志光「反咬」無故曠工可以即時解雇。此時黎耀祥無奈地運用了「卸膊操」一句：「我都係照你意思去做（係你叫我放假去露營嘅）。」可惜道高一尺魔高一丈，鍾志光以「我冇印象我有咁講過」還擊：「我再同你講多次，我係叫你請假去，唔係我俾你放假去。」

被逼得急了的黎耀祥坦言：「我努力工作係為升職，你話會升我做首席高級調查員。」換言之就是「我真係唔覺得我錯囉」。

其實上司同你講「今次我真係愛莫能助」或者「你諗下你適唔適合呢份工」，那麼他已經算相對好人、好相與的了，因為鍾志光的說話比上述兩句「卸膊操」更可惡：「我講你就信？公司根本無呢個職位，傻仔！我係玩你呀，玩唔起咩？你今日無申請休假就係曠工，可以即時解雇，仲要賠返一個月人工俾公司！」

遇上鍾志光這種卸膊高手，苦無對策的黎耀祥唯有以命要脅，指自己會「盛怒下殺人」，才嚇得鍾志光放他一馬，順利取回一個月解雇代通知金。

BTW，鍾志光把上司一角演得神憎鬼厭，被網民大讚：「鍾仔真係萬能兼百搭，演咩角色都好神似。」

下圖為鍾志光的卸膊經過，一看就想拿他去打小人：

其實除了鍾志光，《逆緣》中飾演江欣燕上司、地產店經理的袁鎮業亦是位惹人厭的角色，他的衰不在於「卸膊」，而是「搶功勞」。

是咁的，袁鎮業見有客進入地產店，便呼喝江欣燕去招呼，但當得知客人是夏文汐飾演的女富豪後，便立馬變臉兼衝上前自我介紹及搶著獻欣勤，更在帶客睇樓時，不予機會江欣燕介紹樓盤。雖則夏文汐欣賞江欣燕的老實，願與她簽約，但袁鎮業為搶佣金，私下先臭罵江欣燕一頓，再美其名為「你好好跟我學嘢就得」，無賴地霸王硬上弓：「簽約嗰陣等我嚟啦，佣金我分完俾公司，會再分返啲俾你。」如此上司，真的令人結舌。

以下一連串截圖是袁鎮業為搶功搶佣金，欺壓江欣燕的過程：

【逆緣】黎耀祥示範女婿生存之道　對岳母使幾萬真係當避難【逆緣】陳家樂望5年內娶老婆　原來未得女友余香凝同意【逆緣】林夏薇拍咀戲撞正最恐怖場面：差啲食鼻涕