【偶像練習生】男團下月即開騷掘金 范冰冰為範丞丞出道激動落淚

撰文:鄺鈺瑩
出版:更新:

由愛奇藝主辦嘅《偶像練習生》,雖然被指同韓國選秀節目《PRODUCE 101》一模一樣,但show must go on,決賽亦終於舉行,未出道先矚目嘅範丞丞,參賽連日來都得到家姐范冰冰同未來姐夫李晨加持,決選當晚,父母更到場舉燈牌支持,雖然範丞丞最終只系得第三位,但總算成功以男團Nine Percent順利出道,未來姐夫李晨即時發文祝賀:「夢想在路上,一段旅程結束預示著新的開始,加油吧!」並表示「他姐抱著手機看哭了,我偷拍的照片硬生生被刪了。」
Nine Percent分別由蔡徐坤、陳立農、範丞丞、Justin、林彥俊、朱正廷、王子異、小鬼和尤長靖組成,同韓國《PRODUCE 101》出產的男團Wanna One一樣都系期間限定,出道一年半之後,各成員會返回自己所屬嘅經理人公司,而就係Nine Percent組成24小時都未夠,網上已有消息指佢哋5到8月將會舉行全國巡演,首站將會在上海梅賽德斯奔馳文化中心,之後會去到北京、杭州、廣州等12個地方,再加上代言、廣告等酬金,相信呢個期間限定都足以令愛奇藝同一眾黃牛賺到笑。