【多圖】眼鏡娘特別有女友Feel　李佳芯岑麗香點揀好？

《果欄中的江湖大嫂》近來熱播中，除咗吸引到一班家庭觀眾追看之外，亦吸引到一班男性fans每晚坐定定睇實套劇。原因是劇中美女如雲，岑麗香、江嘉敏、馮盈盈、陳煒等全部可觀性強。說起奇怪，原來平時網友留演員拍攝的劇集之餘，更會留意各大演員的造型。當中尤其以《果欄中的江湖大嫂》小巴（岑麗香飾）的「眼鏡娘」最受網民喜愛。而原來TVB也有不少「眼鏡娘」。咁到底邊個係「最強眼鏡娘」呢？

5. 黃智雯

有睇星期日播的《三個女人一個因》的都知道，方以因（黃智雯飾）的另一多重人格愁擘擘就是一個「眼鏡娘」。黃智雯戴上眼鏡之後，又真的會多了幾分童真；放下眼鏡的黃智雯，又會變成自信十足的律師。黃智雯一人分飾三角真係好叻。

2018影視界十大現役美魔女 講樣講身材完勝後生女

【任噏亂評】TVB十大25歲或以下潛質女星 年齡最細只有20歲

4. 黃心穎

黃心穎近來劇集越拍越多，雖然劇集中黃心穎少有「眼鏡娘」造型。最近期莫過是《雜警奇兵》內「爆谷」的造型。雖然劇中的「眼鏡娘」是醜女，不過現實中她卻有不少「眼鏡look」，仲有好多唔同主題㗎。

3. 陳法拉

講起「眼鏡娘」，又點少得陳法拉呢。2005年就入行的陳法拉雖然在2013年就已經離巢發展，14年更加遠赴美國留學修讀戲劇。不過陳法拉亦會在Instagram上分享美國生活，「眼鏡look」再加上「素顏look」，更突顯到佢本來的氣質。

【多圖】TVB十大現役女藝人Instagram排行榜 李佳芯只排第6

【任噏亂評‧多圖】十大TVB現役美女排名 新人伍樂怡余思霆入圍

2. 李佳芯

李佳芯無論係圓形太陽眼鏡、金絲眼鏡、黑眼鏡定其他款都好，似乎都配搭得恰到好處。抑或只是因為李佳芯天生麗質，靚女戴咩都好睇呢？

1. 岑麗香

《果欄中的江湖大嫂》小巴（岑麗香飾）一角宜家晚晚都陪住大家，3甲入面又點會冇佢呢。至古以來，說起「眼鏡娘」，某程度上一定會令人聯想到「教師」。而香香在劇中又是飾演教師，真係撞都冇咁啱。沙灘裝加上眼鏡、老師等元素，第一位非岑麗香莫屬啦。

最後的最後，又點少得我哋親愛嘅家燕姐呢？無論係經典中的經典《食神》中「味公主」的造型，還是《燦爛的外母》中「King姐」的造型，都絕對係深入民心嘅「眼鏡娘」。淨係見到「味公主」張相，就已經有「實在太銷魂」把聲啦。

以下仲有幾位嘅「眼鏡娘」都受到網民不錯的評價，有興趣的話可以睇睇。