Lilian Kan玩空中呼拉圈　絕密「美少女戰士」造型流出：第一次著

Lilian Kan（簡幗儀）人靚身材好又叻女就係人都知。Lilian除了本身是一名模特兒、KOL之外，更是一名時裝設計師，所以平時她設計的衣服都會親自試著睇下效果靚唔靚。當然，為了保持好身型，Lilian都下了不少苦功，做gym、跑步，這些都是基本。而近來，Lilian Kan（簡幗儀）更迷上了另一種運動keep fit，空中呼拉圈舞（ Aerial hoop）。Lilian Kan接受《香港01》訪問時說：「我練咗 Aerial hoop已經幾個月，每次都會玩個零鐘至2個鐘。玩Aerial hoop係因為想學新嘢，同埋好似會fit d，覺得動作好靚。」

不過事情又豈會如此簡單呢。Lilian Kan玩「空中呼拉圈舞」之餘，更為了配合「月亮型呼拉圈」，就身穿了一身「Sailor Moon」（美少女戰士）水手服上陣。「其實係因為佢有個月亮（呼拉圈），我先諗起屋企有呢套衫。套衫係幾年前日本peach John買嘅。其他女仔個個都玩著呢一類衫，同埋上堂嘅時候係全女班，所以唔會怕羞。」

睇返Lilian Kan個facebook啲留言，仲有好多女仔話「套衫好靚」「好似有背景音樂」「簡直完美」添。Lilian說：「套衫係幾年前買，所以已經唔記得幾錢啦。不過呢套『Sailor Moon』當時有好多人炒嘅，而我就係喺日本旅行嘅時候買落。雖然買咗好耐，但係一直都沒機會著，今次係第一次著出嚟。」今次著出嚟就咁受網民歡迎，Lilian又會唔會考慮自己出返個「Sailor Moon系列」呢？Lilian說：「我都好想，一定要諗諗佢，水手風一定會大賣。」