林子善大婚感觸眼紅紅多謝老婆：會當外父外母係自己阿爸阿媽

林子善去年10月與拍拖5年的圈外女友董佩欣（Kary）簽紙結婚，今日（3/4）補辨婚禮，子善的兄弟團有馬國明、鄭嘉穎、袁偉豪等等，唐詩詠更反串穿上西裝做兄弟，姊妹們個個只顧看帥哥，今早接新娘可以話相當順利。

子善一直利申自己好眼淺易喊，講起老婆Kary更一度眼紅紅：「結婚唔止係兩個人嘅事，仲有佢嘅爸爸媽媽，你諗吓人哋養咗三十幾年嘅囡就咁畀咗你，我以後都會當佢哋係我自己嘅爸爸媽媽。」子善特別感覺老婆Kary對他的體諒和付出，因為他正在開戲，沒有放很多時間在婚禮上：「婚禮有7成都係老婆搞，兩成係兄弟，得一成係我。老婆平時返工已經好攰，又要跑數又要被老闆摔，真係好多謝老婆。」

身分由「單身」變「已婚」，子善直言自己已經準備好做爸爸：「我一直都好鍾意小朋友，但要準備好先，想搵多啲錢。之前都講我幫屋企人買樓上車，其實我哋依家都仲係租緊樓，想生活條件好啲先生小朋友，到時我都想老婆唔好咁辛苦，你知啦做Sales成日要企，到時想請個工人照顧小朋友。」子善還透露將會去做身體檢查，不想有任何不好的疾病遺傳給小孩，可以說是顧慮周全，聽到他這麼說外父外母應該很放心了。