鄧萃雯聽朋友意見北京試住　結果頂唔順：遇到沙塵暴真係嚇親

近年鄧萃雯離巢北上拍劇，觀眾都很少可以在電視前面看到她的蹤影，雯女之前就漏口風想回港拍劇，她說：「喺街上面好多人見到我都問我做咩唔拍劇，但我唔係冇拍劇，不過係返咗內地。我都想返香港拍返劇，因為上面拍劇都係配音，劇本係普通話嘅，但我拍嗰陣會自己轉做廣東話，到時後製配音。」

人人爭住上北上拍劇，內地的環境是否一定比香港優勝呢？未必，雯女就話各有各好：「香港有樣好，就係一定有冷氣，大陸就冇嘅，一係好熱一係好凍，不過所奏就慢啲，依前我喺香港拍劇係瞓都冇得瞓，所以各有各好啦。」

在大陸拍劇未必一定在大陸住，雯女堅持將大本營留守香港，每次拍完劇就會立即搭飛機回香港，「我冇喺大陸住過，或者咁講，冇喺大陸生活過，我拍劇就係劇組度住，我份人好痴家㗎，離開唔到香港。」前幾日還發生了一件搞笑事，雯女有朋友勸她試試在內地住，感受一下，因為在內地生活的話會多點接觸劇本、認識老闆的機會，她憶述：「咁我見朋友一直叫我返北京住，咪試吓囉，點知就遇到沙塵暴，真係嚇親，聽講北京唔常見，咁都畀我遇到，我仲有諗過未經歷過沙塵暴諗住走出去試吓㗎，不過最後當然冇啦。」