【多圖】何依婷着校服零違和感　學生look少女味濃甜笑勁煞食

今屆香港小姐最令人印象深刻同最有話題性的當然是冠軍雷莊兜啦，不過她是否應屆最靚女就真係見仁見智。其實不少人都覺得亞軍的何依婷 (Regina) 更索更靚，笑起來仲好甜美。她有份主持的無綫兒童節目《Think Big Family》就播出了最新一集，入面就有Regina扮學生妹的校服look，今年24歲的她着住校服完全零違和感，即時減齡並完美演繹了清純學生妹的形象，少女味十足，除了好pure好true，仲好靚添！

而Regina呢個look最煞食就是加埋她甜到漏的笑容，無論是微笑抑或是燦爛地笑，都一樣咁迷人。有不少網民都激讚Regina絕對是校花材料，就算現在都可以輕易打低大班青春少艾。亦有網民好戥Regina唔抵，話以她的天使面孔兼殺死人的甜笑，無理由會輸給雷莊兜只得亞軍。其實Regina咁靚女可塑性都好高，就算贏不到港姐冠軍都應該唔會影響到她在圈中的發展嘅。