陀B鍾嘉欣夏威夷度假曬索爆水着相　囡囡Kelly靠可愛笑容搶Fo

復活節假期最啱一家大細享受天倫樂，靚媽鍾嘉欣亦都同家人一齊去了夏威夷旅行，囡囡Kelly當然都有跟實媽咪啦。嘉欣亦有在她的IG上載度假期間的靚相，同大家開心Share。雖然嘉欣已經陀住第二胎BB，不過她身材依然好Fit，亦唔係太見到肚，其中一張她刻意摸住孕肚的相先可以見到她的復部微隆。

去得夏威夷又點少得陽光與海灘，陀住BB的嘉欣仲抱住Kelly到沙灘玩水，Kelly着得比較密實，件粉藍色游水衣淨係露出手仔同腳仔。相反媽咪嘉欣就性感得多，着上火紅色兩件頭泳衣的她真係索爆，載住太陽眼鏡仲星味十足，而呢張相仲清楚可以見到她脹卜卜的孕肚，隔住個芒都feel到她有幾咁幸福。