【丫鬟大聯盟】湯洛雯預言馬爾代夫旅行：同妹妹一齊著比堅尼

湯洛雯今日拍攝《丫鬟大聯盟》的結局場面，預計還有數天的拍攝日子。湯洛雯說：「《丫鬟大聯盟》完咗之後，我7號就要飛上去橫店拍《包青天》。雖然我都只係拍1個單元，不過都要成2，3個禮拜。」

早前湯洛雯與圈內男友羅天宇分手，不過「靚湯」似乎沒因此而受到打擊，反而更積極投入工作。莫非是用工作麻醉自己？問到現時單身，身邊會否多了追求者？湯洛雯：「其實有冇話追嘅不過就多咗男仔搵我傾計。不過我真係冇時間去約會或者走出街。你都知我真係需要時間去認識。（收住兵先？）我都唔收兵嘅，況且收兵都冇時間啦。宜家瞓覺都得返1，2個鐘，聲都沙埋。」

單身生活，可能未必每個人也習慣，不過似乎就並不適用於她。問到「靚湯」享不享受現時單身生活時，她說：「享受就未正式享受到，因為宜家仲忙緊拍戲。我都成10年冇試過單身，所以我會想試下專心做自己鍾意做嘅嘢先。單身其實多咗時間俾屋企人，我想同屋企人去馬爾代夫。（同埋妹妹去？）係吖，佢不知幾開心，可以著bikini。佢咁fit，如果去旅行我都要操下。（一齊著bikini?）我應該會著嘅，係影唔影相擺出嚟就唔知啦。」我諗大家都會好期待兩姊妹一齊著比堅尼泳衣享受日光浴。