古巨基手汗當手霜擦勻老婆隻手　老婆Lorraine：幾好吖唔核突

古巨基早前上Big Big Channel接受主持許文軒訪問，講起第一次拖女仔嘅經驗，話題就自然落咗去基仔出名澎湃嘅手汗問題度，佢仲分享呢方面同老婆相處嘅噁心畫面添！
 

古巨基大爆TVB第一份糧得＄3500 許文軒：我多你一倍

許文軒問到基仔第一次拖女仔手係幾時，基仔諗咗好耐都答唔出，佢話：「因為我係畀女仔拖㗎嘛。」出名手汗多，許文軒忍唔住問：「咁拖你手，你隻手會唔會勁濕㗎？」基仔答咗句梗係會之後，仲將手心伸向鏡頭話：「依家都會啦，呢啲遺傳嘅無計。」許文軒續問個女仔有咩反應，基仔就霸氣咁話：「如果愛我就愛我一切。（愛埋你啲手汗？）係，（嘩，好Sweet呀，愛埋你啲手汗。）所有同我拍過拖嘅女朋友都已經習慣。」更指住鏡頭外嘅古太話佢當然唔例外啦。

基仔之係仲講咗件同老婆相處嘅噁心事，「早兩日，坐車嘅時候拖住（老婆），我啲手汗愈出愈多喎，佢（古太）仍然都捉住我，咁我咪索性好似幫佢搽Cream咁幫搽勻成隻手，跟住就問佢，係咪好核突呀？佢話：『都唔係吖，都幾好。』」聽完真係想嘔返頭先Lunch啲米線出嚟，連許文軒都忍唔住話：「實在太噁心喇！」也許呢啲先係真愛。