【果欄中的江湖大嫂】Johnny仔原來勁大隻　仲喺少林寺學過功夫

《果欄中的江湖大嫂》有追看的電視迷不難發現，每次奸角Kent哥（李天翔飾）出場，就知有壞事發生，而Kent哥身為大佬身邊必定有兩位打手，一位是衞志豪飾演的高B，至少被馮盈盈連摑十巴，大家應該有印像，但除了高B外，李天翔隔離還有一位高高大大，Skin head造型的惡漢，他是２７歲的譚坤倫Alan，原來是４０吋胸肌、８嚿腹肌的猛男。

其實譚坤倫本身有武術底，2011年參加無綫《功夫新星》入行，亦在嵩山少林寺中心武術學校受訓，學中國功夫講求靈活性，所以譚坤倫入行時，不是爆肌，更有少少排骨仔，不過自從張家輝在《激戰》後，唔知點解所有男星都要操大隻，譚坤倫亦不例外，看他ig的紀錄，應該在３年前開始爆肌，上年已經開始有成績，最可惜在《果》劇無機會除衫，如果佢被派到做果欄嗰邊，跟黃浩然咁就好喇，至少都會見到佢隻麒麟臂。

不過大隻係有市，譚坤倫除了《果》劇外，事業亦開始上升軌，最近在新劇《包青天再起風雲》入面飾演開封七子之一，不過又係包到實，希望監製醒目，俾場爆衫戲這位年青人，不過古裝真係好少機會除衫，除非出浴戲啫......