張繼聰終於順利過關返內地：抱住謙卑嘅心迎接下次關口
撰文：冼燕珊
出版：更新：
張繼聰早排喺Instagram上載短片，講佢每次到內地工作過關時都被扣查，原因係佢張回鄉證同身份證張相Match唔到佢個樣，所以搞到次次都唔可以順利過關，佢仲大讚執法人員做法正確，因為連佢自己都好難相信呢三個人係同一個人。
阿聰昨日要返內地工作，事先喺IG預告自己即將過關，好多粉絲留言集氣，祝佢順利過關。阿聰凌晨喺IG上載咗張舉V手勢嘅相，話畀大家知，佢今次終於都成功：「懷住感恩嘅心向大家宣布，2次！今日來回都順利過關，我覺得好幸運，不過明白幸福唔係必然，我會抱住謙卑嘅心去迎接下次嘅關口。」阿聰今次雖然順利過關，但顯然對於下次過關仲係抱著忐忑嘅心情，佢自己都覺得好無奈，所以Hashtag寫道：「明明張証係堅嘅，但過到果吓有僥倖嘅感覺，係咩人生？」