麥明詩成功完成water whip　突然有感而發：放得下，就會有出路

麥明詩 (Louisa) 最近去了泰國蘇梅度假，難得可以放假好好休息，不過Louisa依然無忘記一班粉絲，連日來她都有於IG上載靚相以及短片同大家開心share，仲要全部都是着比堅尼，實行一邊旅行一邊派福利。呢兩日她又繼續update新相同短片，成功做到water whip的Louisa多謝網友教她，仲開心到話：「阿媽我得咗喇！」她拍了片影住自己站在水中往後揈水髮，有網民讚她好似拍緊洗頭水廣告咁。而另一張相就是她用毛巾包裹住全身，連個頭都包埋樣都睇唔到，淨係露出足踝以下位置，呢個造型真係超級密實，她留言表示：「冇計喇，隻手同埋背脊已經好紅好痛喇 #點知曬傷隻腳掌」

今日Louisa再貼新相，呢次唔再是比堅尼而是one-piece泳衣，她坐在沙灘上大騷美腿，並感性地留言表示：「當感到千斤重擔，或者諸事不順，就看一下多美麗的風景，想一下當地人每天無憂無慮，做個簡單的飯、賣個椰青、吹個海風，其實重擔是我們自己加在自己身上的，沒有人說一定要成功一定要名留青史，一定要吃米芝蓮、一定要拿個名牌手袋，有動力固然好，但當動力變成壓力，就要提醒我自己，一切都是自己的選擇，也沒必要絕望，放得下，就會有出路，btw呢邊有冇投資移民？」唔知係咩事令Louisa突然咁有感而發呢。