楊冪劉愷威傳拍《檢察官》搵埋老爺加盟？ 劉丹回應北上傳聞
楊冪在中國的影視業發展得愈來愈強大，自成立工作室後，一手捧紅了不少中國紅星，身家更傳有成50億人民幣。至於被她捧的人，基本上個個都會爆紅，尤其以迪麗熱巴最成功，現在傳身價已經是一部劇有過億片酬。當然除了捧紅人之外，她自己出演的作品都絕無失手，早前的《談判官》也是好評如潮，而傳出終極三部曲最後一輯的《檢察官》會找來老公劉愷威再度合作，如果真的成事，肯定又會惹起一輪哄動。
他們兩公婆合作當然也不是第一次，之前聯手的作品也是獲得多方讚賞，可能今次打正夫妻檔也會再創造收視新高。不過原來除了夫婦檔，楊冪曾幾何時也想過用「屋企檔」！這裡說的當然是香港人人都識，劉愷威的爸爸丹爺劉丹喇！在接受《香港01》訪問時，丹爺也坦誠：「佢係有搵過我。」不過丹爺是拒絕的，並不是唔俾面新抱，佢咁做都係為咗楊冪。
此話何解？丹爺咁講：「我都行唔開呀，我唔想掉低孫女俾老婆一個人喺香港湊，我都唔捨得喇！佢兩公婆都好忙，得閒就返嚟睇吓。有搵過，有啲就時間唔啱，我又開緊處境劇，好難行得開。（推薦香港演員俾佢？）佢哋對香港嘅情況了解到不得了，香港劇佢哋都有睇，自己都會睇埋啲演員，而家內哋嘅製作人好醒㗎喇。」而丹爺亦因為演員道德問題，婉拒了新抱的邀請，他說：「對我嚟講而家湊孫更要過揾錢，哈哈，開心呀，同埋，最重要係我認承咗拍《開心速遞》，我係有責任去完成佢，先接其他工作，唔能夠因為見到其他條件就一走了之，因為要有衣食，咩叫衣食呢？我第一日入行，啲前輩就教我，認承咗人就要做，如果冇《開心速遞》都可以諗下，但我又想睇下佢（開心速遞）超唔超越到《真情》哈哈，如果係就５年喇，到時先算啦。」做人要有衣食，後生仔記住丹爺嘅金句喇。
丹爺咁忙係有原因，即睇↓
【開心速遞】作為處境劇之王 劉丹最深刻係《真情》加場砌低亞視
《開心速遞》有無得繼續拍？監製親自解畫↓
【開心速遞】監製林健祥確認會繼續拍落去：將會加但係未知加幾多