【王牌對王牌】張栢芝行catwalk驚豔全場 劉嘉玲用梁朝偉保駕
撰文:梁子健
出版:更新:
《王牌對王牌》呢個王牌綜藝真人騷,經常都可以邀請到大卡明星上節目玩遊戲,最新一集就有紅透兩岸三地,整個華人界無咩人唔識嘅女星,佢哋分別就係fit爆辣媽張栢芝,以及不老女皇劉嘉玲!

有呢兩位神台級美女嘉賓坐鎮,一開始就嚟個catwalk展示嚇風采,足以令人拍案叫絕,因為嗰股氣場同魅力堅系唔講得笑!而且一個37歲仲系兩子之母,另一個就已經52歲,但行出嚟仲系睇到人嘩嘩聲,真系唔到人唔服。
節目中有個環節要嘉賓們各自講自己「能人所不能」嘅事,嘉玲姐嘅例子就威喇,講親出嚟都無人能及,個個聽到自愧不如,好似系:「我曾經跟林青霞、王菲、張國榮打過麻將」、「我有一個拿獎無數的影帝老公」。屈機得令嘉賓唯有話:「這個拚不過你,太毒了。」
至於張栢芝所講嘅例子,就絕對聽得出佢以前系一個幾咁敬業嘅演員:「我連續睡十六天沒有醒過來,沒睡醒但還活著,不是生病只是太累了,所以我的家人要定時幫我貼面膜,給我喂水。」對此,有人不忘說笑調侃:「你的冬季那麼短?」張栢芝續說:「我吊鋼絲吊了十多個小時,一直在上面。工作人員要放飯,但我怕他們把我放下來之後又要重新再穿會辛苦,我就叫他們給我一個飯盒在上面吃。然後徐克導演就跳拍到另一個沒有我的戲去,所以我就一直在上面很多個小時。」聽完之後不得不佩服佢嘅敬業樂業。
張栢芝隨後更喺節目中展示30秒極速換裝行天橋,外表身材仲系想擋都擋唔住。
+1