方東昇節目金句浪接浪 爛gag隱藏人生哲理
無綫新聞部主播方東昇，曾經主持3輯《世界零距離》，神奇地爆出一連串金句，熱爆全城。近日方東昇又有新節目，在無綫財經資訊台播出的《長命百二歲》，顧名思義是講述人口老化問題，各地老年人的晚年生活，但在認真題材下，方東昇仍然有一大籮爛gag，令節目充滿娛樂性外，亦有不少發人深省的道理。
節目除了有方東昇外，還有靚女主播28歲的黃曉瑩及已榮休的新聞部前輩，人稱八叔的李德成，老中青三人齊齊做主持，充滿互動默契。其中有一幕八叔拎起掛在牆上的拐杖，說方東昇未見過差利卓別靈的「士的」，方東昇鬼馬地回應「是的，是的，長輩永遠是對的」，逗得八叔哈哈大笑。節目中八叔在看掛在牆上的長壽秘訣，方東昇又表演，說「人生70古來稀，八叔一百都OK」，爛爛地卻令老人家高興，值得觀眾紛紛俾Like。
方東昇講真講爛gag，本身件事已經充滿喜感，但是觀眾笑到現腹肌之餘，細心一諗其實幾有哲理，並非一味無厘頭吹水。有一幕李德成從後追趕上來，方東昇笑說：「慢慢嚟，唔使急，我哋唔會催人，歲月先有資格催人」，嗒落確實令人感到人生匆匆，營營役役，彼此追逐爭鬥，最後卻始終敵不過催人歲月，還是「慢慢嚟」，以慢活態度面對人生。他在節目中的金句還有「長命百歲，究竟係祝福定係詛咒？」、「想食乜可以自己揀，所以食嘅都係開心樂園餐」、「世衛話45歲或以上先算係中年，所以我仍然係大好青年」，讓人笑破肚皮，卻仍舊有嘢可以落袋。
方東昇金句重溫
《世界零距離II》
「呢度最多的唔係企鵝，係沙」
「當身邊一切如風，感覺像香港的寒冬」
「如果你問我呢條係咩路？真係唔係路」
「工欲善其事，唔好發脾氣」
「無論動物世界與金融市場的大鱷作風都係快、狠、準。所以對付大鱷的不二法門就係更快、更狠、更準」
相關文章：
方東昇爛Gag導航《長命百二歲》 探討沉重老人問題仍然好幽默
「在跌低的地方爬返起身，從來都不容易」
「成個老襯，士氣大振」
「海龜外殼色澤鮮艷為之靚龜，今次我就抱得美人龜」
「浪花一朵朵，誓言講咩都聽唔清楚」
「同樣等上樓， 佢哋係等上樓買嘢」
《世界零距離III》
「一試無妨，再試投降」
「讀萬卷書不如行萬里路，行萬里路一定要去赤道」
「將雞蛋顛倒過來，這就叫倒蛋」
「歲月不饒人，起身見頭暈」
「無論順流逆流，逝去的水不會再回頭，不知不覺全流走」
「路遙知馬力，汗水滴不停」