王祖藍內地撈埋電影綜藝　帶挈香港CREW搵人仔：好想創造機會　

王祖藍今年初被欽點為新一屆廣西政協委員，當時他已表示會為北上藝人及年輕人，爭取更多合作機會，到底係得個講字定真係做到嘢呢？王祖藍呢日現身影視娛樂博覽會，出席「邵氏兄弟電影發佈會」後，隨席與成龍、汪明荃等人出席「香港演藝界內地發展協進會」（內協會）啟動禮，成立協會的目的，其中一個目的就是有錢齊齊搵。雖然祖藍不時被指只顧賺人仔，但他並非自私賺，就好似他公司為杜麗莎打造的音樂節目。「個節目係廣東台的節目，但我叫他來香港拍，crew用香港人，後期用《奔跑吧》的團隊。」雖然這盤計劃最終成事，但問題很快就出現。「如果你叫我坦白講，我覺得香港crew跟唔上，拍完之後我都有問佢哋點解畀啲咁嘅嘢我。或者係因為香港講求快靚正。」

祖藍指《奔跑吧》拍攝時間雖然只有三個月，但幕後用上九個月去準備，以政協的身份去與浙江衛視交流的他，希望將來可讓香港的幕後參與更多綜藝的製作，而內協會則會運用基金，幫助幕後北上增值。「吸收完你唔返內地發展冇問題，但你將這技術帶回來，咁香港節目就會提升。」對於香港節目被拋離，綜藝節目出身的祖藍寄語大家都要爭氣。「我成日都好想創造呢個機會 ，我真係用心去做，如唔係都唔會叫香港crew去拍，係好勞累，亦有朋友覺得我做幾多好事都不被尊重，叫我唔好再做，但可能自己有情義結，我覺得可以的，同我做《老表》初衷一樣。唔抵頸所以咁做，除非有一日呢個唔抵頸磨滅了我的熱誠，咁就會走，但如果佢仍然一股動力，我都想做，因為我見到有空間。 」

儘管王祖藍曾以「做得唔係咁好」去形容自己成立兩年多的工作室，但看他在「邵氏兄弟電影發佈會」上公布的公布未來的合作伙伴：如出品電影《京城81號》、《被偷走的那五年》的恆業影業、真人騷《中國有嘻哈》、《青春旅社》的藍天下影視傳媒等等，覆蓋範圍由綜藝、電影、模特兒到品牌，他似乎又真係唔係做得唔係咁好喎。

對於在內地的事業版圖愈做大愈，祖藍笑笑表示：「雖然我喺香港啲新聞有時唔係咁正面，但我個朵喺北京係ok架。」他解釋與這些公司的合作契機，其幕後團隊功不可沒。「其實這些盟友本身已經好勁，根本唔需要搵我，但好多時他們找我拍攝節目，是因為跟我的團隊溝通了，看到他們點sell王祖藍，或者睇到我哋點去捧新人。獎門人成日叫我要廣交朋友，呢啲全部都係好朋友，而且大家都係實幹真誠。」有心又有資源，再加上人才，難怪祖藍的工作室，在北京已有40多個藝人，他透露香港接下來也會簽一些大家都估唔到的藝人。