【影視博覽】陳國強怨政府唔夠幫手 望為同行爭取更好待遇
邵氏兄弟影業今早舉行發佈會，預告接下來將會推出的作品，電影方面，除了麥浚龍的《風林火山》、古天樂《脫皮爸爸》、溫拿《兄弟班》外，劉偉強將為電影《使徒行者2諜影行動》擔任監製，並由張家輝，古天樂主演。網劇方面則有苗僑偉、宗澤等人主演的《守護神》，此外，邵氏將會與王晶旗下的星王朝結盟，共同製作《倚天逃龍記》、《丁力傳》及《上海灘2》等劇集。
身為執行董事的樂易玲最先上台致詞，她表示公司接下來將會有更多盟友，一起為香港電影開創新天地。輪到王晶上台時，他除了答謝TVB的高層對他多年照顧外，又指TVB主席陳國強交予他一個重任。「希望我將TVB一眾出色的藝人，除了在電視圈表現出色外，也令他們在電影圈一樣出色，我希望自己可以完成這任務。」
輪到主席陳國強上台，他表示原先講兩句就算，但看到王晶、劉偉強、古天樂等人發言後，有所感觸。「在外國讀書時，不時被外國帶有侮辱性的叫清朝人，年輕人或許不知道，他們認為中國人應該有辮、做奴隸，直到李小龍電影系列出現，才令外國人開始明白香港、中國功夫係乜，多返啲尊重。」他指香港電影雖然興盛過，但由於政府對盜版的縱容，令電影差點滅亡。「就算到今日，依然有好多盜版機頂盒，我哋咁辛苦經營到而家，不斷要求政府多啲支持，例如法例上的改進，提出過植入廣告的問題，買返來的足球節目、球員、球場都有廣告，外購的綜藝節目、劇集有不少廣告，可以如常播放，但為什麼本地製作的，一啲空間都唔畀呢？生存機會真係無啦。」
陳國強又指雖然歡迎外國導演來港取景，但也同時希望本地同行得到同等待遇，他更以林超賢的《紅海行動》為例，說要是沒有內地海軍的支持，根本不能成事。「所以我哋好多情況下都需要政府支持。香港好多公司都係中國香港，我哋全部都係中國人，點解香港作品入到內地會變為外國種類？希望政府花點時間，用多點力去支持這行業，幫我們爭取應有的待遇，如果唔係我哋真係畀人取締。」