【回帶系列】無綫男主角唱歌成日出事？　馬國明扮唐老鴨最可愛

上天是公平的，就好似黃宗澤（Bosco）咁，生得靚仔又識做戲，偏偏就係唱歌唔掂，其經典之作莫過於09年在《勁歌金曲頒獎禮》上唱陳奕迅的《K歌之王》，走音加上氣唔接下氣，簡直係嘈音污染。儘管歌喉不被認同，但Bosco在邵氏網劇《飛虎之潛行極戰》中，再度開金口唱主題曲……其實TVB藝員不時都要走埠登台，袋定一兩首飲歌又真係無可厚非。(請留意2分01秒)

吳卓羲

除咗Bosco之外，同樣出自TVB的吳卓羲、陳豪同馬國明，其歌喉亦都係聽了令人生氣。先講吳卓羲，佢當年因為一首《別怪他》而火速竄紅各討論區，但原因並不是歌藝了得，而係因為全歌無限重復「別怪她」呢三粒字,早年鄧智偉舉行音樂會，吳卓羲開金口撐老友，結果於高音位頻頻失準。而除了走音問題外，吳卓羲在於吳浩康、關智斌合唱劇集《學警出更》主題曲 《邁向夢想的天空》當中，將其中一句歌詞「Oh canyou feel, our sweat and tears.」唱到好似「Oh can you feel, our spaghetti.」也成了網民的笑位。
 

陳豪　
陳豪雖然曾在《天與地》同林保怡、黃德斌合唱過《年少無知》，歌曲更曾獲CASH的最佳合唱演繹獎，之不過，有網民指陳豪於劇中的插曲《baby come on be my love》簡單係十級難聽，更指他的的歌喉真係永遠有待改進。又不過咁，於嗜好一項寫上唱歌的陳豪，近年唔知係未唱得多兒歌哄仔女，歌喉又真係進步咗，唔信？睇吓佢前年唱《Better Man》。

馬國明
馬明曾與吳卓羲、黃宗澤等人組成奧運六星，唱歌加埋交叉舞步，片段不時被網民翻loop，而對於他的歌喉，或者係因為受天然呆的影響，所以大家都甚少用難聽去形容，最多只會覺得係照讀歌詞。而瘋戀唐老鴨嘅馬明更曾經扮過唐老鴨唱歌，一個字：無得輸。(請留意2:11)