林保怡陳慧珊幾時復出合作拍劇？　保怡：第一日開公司已經有打算

林保怡（Bowie）與陳慧珊（Floria）今日（3月18日）接受郭秀雲（Sharon）邀請擔任「海峰環保教育」的環保義工，齊齊到南丫島海灘執垃圾。雖然陳慧珊（Flora）因事未能一同前往，但亦有到碼頭支持環保活動。問到為何會參與這次的環保活動時，郭秀雲說：「佢哋都係香港人代表，其實每個人都可以出一分力。同埋佢哋出嚟講會多啲人知道。」林保怡就風趣的回答說：「因為我哋靚仔靚女囉！」

說起海灘執垃圾的行動，陳慧珊表示環保的習慣其實可以由小時候開始。「舉個例子，就係我小時候爸爸媽媽，我爸爸係老師嚟嘅。其實我細個已經同我爸爸去沙灘垃圾，我哋成家人都會做呢樣嘢。之後到我大個嘅時候，我個女間學校亦都有呢啲活動。所以我今日可以參與，我都覺得好有意義。」唔怪得今日Floria老公Mike同囡囡都有到場啦。

除了享受家庭樂之外，其實陳慧珊正在修讀兒童教育的博士課程。在最近的ViuTV節目《婚姻五重奏》中，陳慧珊更有份成為其中一集的主持。「一開始佢哋搵我去做婚姻呢個題目。但係我就詬想放一啲教育有關嘅事落去，所以就去咗一間學校，仲會同一班12年班嘅學生去傾將來嘅計劃，點樣將正面信息分享俾個世界。」陳慧珊更表示，自己須享受這個傳遞正面信息給其他人的過程：「唔需要等到我博士畢業先去教育下一代，其他我每日都做緊呢方面嘅工作。」

林保怡接受《香港01》訪問時笑言，出席是次環保活動的原因是「太得閒」。他說：「我冇嘢做吖嘛。平時除咗同導演傾劇本之外，就係跑步、行山做運動。所以Sharon一搵我話去『執垃圾』嘅時候，我就話『好吖好吖』。」

林保怡與陳慧珊一直是電視觀眾心目中認為是非常合襯的一對。其實1997年出品的《鑑證實錄》依舊為人所津津樂道。林保怡近年更成為了自己的制作人公司，實行自己劇集自己拍。問到會否邀請Floria一同拍劇時，他回答說：「我第一日整間制作人公司嘅時候，已經有打算搵Floria合作。其實《鑑證實錄》宜家中國大陸仲有播緊，咁多年嚟喺網上都有好多人問幾時會一齊拍劇。當然我唔係要佢再做醫生或者律師。（會搵Floria做角色？）未知。（幾時會再合作？）唔知，我唔敢立亂答呢啲嘢，不過一定有機會。」睇嚟不久將來真係有機會經典營幕情侶喎。