鄺潔楹唔認同男友無樓就唔肯嫁兼要分手：一齊儲錢買樓開心啲

香港首富李嘉誠日前發表言論表示，假如一對剛大學畢業的年輕情侶，女方已要求男友要有樓否則就不結婚，甚至分手，他建議該男友應回敬一句「你趁後生搵過個啦！」。新晉女神鄺潔楹（Judy） 亦有留意有關報道，對於超人的見解，Judy說：「自己又唔係覺得佢100%啱或者100%唔啱，我都認為唔應該睇個男仔有無樓先決定結唔結婚，自己本身都唔睇人背景嘅。就算另一半無樓都唔緊要，只要大家一齊努力，方向一致，有共同目標去令件事達成就得，一齊儲錢買樓會開心啲。」

Judy絕不會expect另一半帶埋層樓來娶她，也不認同女仔因為男友無樓就要分手，但她確實認識一些識拜金女會睇人工作並專揀專業人士來拍拖，她坦言：「我唔鍾意拜金主義嘅人，好難同佢哋做到好朋友。」咁Judy又會否勸這些拜金女早日甩開無樓男朋友呢？她說：「我自己就唔會教人分開，太兒戲喇。不過都要睇佢係咪真係好渴望過少奶奶生活啦，如果佢好想識有錢人，趁青春搵係好嘅。我有朋友要有車先肯同個男仔一齊添。」她指自己比較獨立，也不用男友付晒所有使費，願意跟對方一起分擔。