【三個女人一個因】郭子豪為健美比賽日食5餐25碗飯:喊住食

《三個女人一個因》中方以因(黃智雯飾)與利東佳(袁偉豪飾)、Theo(陳智燊飾)之間感情線錯中複雜。上集更講到方以因與Theo分手,真系看得人咬牙切齒。不過,睇咗咁多集而又心水清嘅觀眾,應該會發現方以因的第三個「男伴」唐米尼(郭子豪飾)尚未登場。

郭子豪(Arnold)在《三個女人一個因》中飾演方以因(黃智雯飾)的第二人格「菠蘿椰奶」的模型兒老公,並預計於第九集出場。其實郭子豪至2017年演出《親親我好媽》,就已經很有觀眾緣。皆因他是前A&F男模,一身陽光氣色加上健碩肌肉就足以迷倒萬千少女。不過,最近郭子豪卻開始走向另類路線,不用穿三角泳褲,郭子豪:「都系平時大家睇嗰種,不過條褲就長啲啲。咁就冇咁尷尬,哈哈哈,費事嚇親人。」
【親親我好媽】肌男郭子豪系A&F御用男模 萬人迷棄工程師為拍劇
要參加健身比賽,郭子豪接受《香港01》訪問時就話訓練最辛苦:「最主要系準備緊6月同8月嘅比賽。12月到宜家大概上咗三十幾磅,由原本170左右上到差唔多210磅。其實屋企好多衫都著唔落。同埋宜家都好勤力操,一個禮拜都起碼5次,每次起碼個半鍾。喺健身室度食嘢,熱身拉筋,夾埋都起碼3個鐘。譬如正常人體格每日要食2600卡路里。但系我每日起碼要攝入5200卡路里,差唔多等於25碗飯,系正常人嘅2倍。一日5餐食好多飯,真系食到想嘔。」
郭子豪:「嗰種辛苦其實可以分3個階段。第一個level就係頭暈;第二個level就會嘔,嘔返你做gym之前食嘅嘢出嚟;第三個level就會進入飲醉酒狀態,跟住教練叫你做,又會有力操。最辛苦就係第一個禮拜,胃口由食2千幾卡路里變到食5千幾卡路里,我真系食到自己喊,喊住咁食,曾經有諗過放棄。但系自己知道呢樣嘢(健美比賽)系自己想做嘅,所以又會繼續食。」
【三個女人一個因】林景程做戲先開心:物理治療師唔能夠成為興趣【三個女人一個因】陳俊堅終於有發揮:呢套劇系入行後最大的挑戰
郭子豪講到成個健身過程咁辛苦,其實為乜呢?郭子豪說:「其實好大程度系因為我老豆,佢幫我改個名叫Arnold(阿洛舒華辛力加)。其實佢都希望我大大隻只。去到一個位,我就發覺自己再唔去比賽就冇機會,一來年紀問題,二來就越嚟越忙所以就想自己起一次台,一次就夠,人生應該轟轟烈烈做一次。同埋我要話俾人知,我付出100%努力,系真系100%全力去做。」
以下有郭子豪健身圖輯,佢真練好辛苦㗎