【VR驅魔人】樓南光拍劇呻上當　話王貽興正「懇」樣：小心啲文人

由王貽興、劉翁（Sunny）自編自導自演的ViuTV新劇《VR驅魔人》今日在九龍灣舉行記者會，錢小豪、吳耀漢和樓南光等拍過多套經典恐怖片、殭屍片的演員亦有前來助陣，更逐一介紹自己角色。點樣至打動到呢班猛人幫手演出？樓南光接受《香港01》訪問時便大講箇中原因，並指自己是「上當」：「係因為王貽興嘅個人魅力，大家以後真係小心啲文人，唔好上佢哋嘅當！」

樓南光繼續笑謂：「王貽興個樣真係好誠懇，講到你好似做主角咁，到拍都係覺得自己係做緊主角。佢話我、Richard（吳耀漢）同小豪係香港靈幻片嘅基石，所以好想我哋幫手。佢同Sunny都好聰明，好識將以前鬼片嘅場口再包裝、致敬，一來可以畀上一輩嘅人重溫，二來可以介紹返呢樣嘢畀下一代。」

提到好多人都話現在的鬼片不似以前的愈嗒愈有味，樓南光就指現在寫故事的人不似以前的黃炳耀、司徒卓漢一樣著重情懷：「不過依家都唔興咁樣，依家個節奏快好多。」他又笑指現時的人只找他拍鬼片：「幾年前拍《殭屍》以為係最後一次拍呢啲題材，因為覺得冇咩可以繼續拍，但依家發現湯同藥都可以換，好多元素都可以放落鬼片度，好似依家VR咁。」