吳業坤向陳奐仁挑機 努力舉鐵脱毒

撰文:陳曉毅
出版:更新:

陳奐仁成功谷肌,睇嚟真系刺激起好多人嘅鬥心,繼杜汶澤話要挑機後(杜汶澤為去沙灘做足準備 追擊陳奐仁變肌神:做唔到,我去死!),最新一位加入戰團嘅竟然系毒男代表坤哥吳業坤。其實坤哥之前都曾經一度想脱毒學人做下gym,亦曾經叫有啲成績並且在社交平台PO下圖炫耀下,可惜練練下又冇曬下文,肌肉照亦隨之消失,打回原型做返毒男一條。
不過最近坤哥可能俾陳奐仁刺激到,終於的起決心重返健身室舉鐵兼做平板支撐,亦放埋圖表示自己好有決心。睇相見佢手臂同大腿都開始練到啲肌肉感,兼且做到流曬大汗,真繫好有決心挑戰下陳奐仁。希望坤哥今次唔好3分鐘熱度,可以變埋肌男同陳奐仁杜汶澤一齊去沙灘啦。