黑澤明逝世20周年 港人拉隊去東京睇海報展朝聖

撰文:陳栢宇
出版:更新:
黑澤明,相信大家即使冇睇過佢執導嘅戲都聽過呢個名。雖然佢已經離開咗呢個世界廿年,但影迷對佢拍嘅《羅生門》、《七武士》、《影武者》同《亂》等30出電影都熱情未減,甚至好多大導演都參考過佢嘅拍攝手法,包括《星球大戰》系列嘅佐治魯卡斯同香港導演杜琪峰。

最近,東京國立近代美術館就為咗紀念黑澤明逝世20周年,將於4月17日至9月23日舉行特別展覽,展示30幾個國家、地方嘅黑澤明電影作品海報,而呢個亦系日本國立電影檔案館首次搞嘅展覽。有影迷知道咗呢個消息就話一定要去,呢個情況更唔侷限於日本影迷,香港直情有人話要拉隊去添,温馨提示一下啦,5月18日系日本嘅全國博物館日,嗰日睇展覽系完全免費嘅。