陳喬恩明道再度合體攻大銀幕　作品成金馬奇幻影展閉幕片

2005年台劇《王子變青蛙》喺一片不看好嘅聲音下爆出，當年劇集收視最高達8.05，打破由F4及大S徐熙媛主演《流星花園》保持多年嘅紀錄，亦令男女主角陳喬恩、明道一炮而紅，站穩一線之位。事隔多年佢地再度合作，由電視跳到影壇，新戲更成為2018金馬奇幻影展閉幕片。

陳喬恩同明道近年轉戰內地，由演員到開工作室到投資開戲，已經榮陞老闆級別。不過作為觀眾當然最想見到佢地再合作拍戲啦。自《王子變青蛙》之後，其實佢地仲合體主演過另一套台劇《櫻野三加一》、2012年喺內地拍古裝劇《王的女人》都有極大迴響。而佢地又曾經互相客串對方主演嘅《勝女的代價》以及《天使的幸福》。

呢對好拍檔拍劇就所向披靡，今次攜手進軍大銀幕，參與連奕琦導演執導最新喜劇《市長夫人的秘密》。剛發布首支預告及海報，由明道飾演的市長特助，向張少懷耳邊私語委託超機密任務，竟然是請張少懷和由陳喬恩飾演嘅市長夫人外遇！連奕琦表示「分別邀請明道和喬恩來演出時，其實都是做好會被拒絕的心理準備，沒想到他們都很喜歡劇本和接演的角色，願意犧牲形象，做各種大尺度演出！」明道也回應表示，市長特助角色和之前演過的角色落差很大，就連出場方式和台詞都與眾不同，「之前就看過連導作品，一直很想合作看看。」