曾俊華化身薯片收銀員同萬綺雯拍廣告 「我無做財爺好耐」
撰文：溫菁莉
出版：更新：
經典劇集角色（馬小玲）又再度現身？講的其實是萬綺雯（蚊蚊）最近為林建明(大姐明)創辦「心睛行動」拍攝宣傳短片，她更與前財爺曾俊華有對手戲呀！曾俊華在片中飾演心情市集的收銀員，一邊食住薯片一邊煲《我和殭屍有個約會》，估唔到原來他的演技都唔差， 未知蚊蚊是否同曾俊華有對手戲太緊張忘記對白。
片段中，蚊蚊一見到曾俊華就大叫，「財爺，點解你會喺度嘅？！」又表示自己以前經常睇對方發表財政預算案。他聞言後都笑言︰「我無做財爺好耐，因為慈善所以我就嚟到呢度。」但最好笑的一定係其中一幕，講述蚊蚊因為街道水浸想買水鞋，可惜店舖沒有這款產品，飾演老闆的曾俊華就講到，「呢度就無水鞋，不如我派糖俾你喇！」間接暗諷今年庫房水浸，但都沒有派糖俾市民，十分搞笑。