網友重溫古天樂15年前半鹹淡國語：什麼「然」的人我想K

古天樂日前出席電影工作者總會春茗，被J.Arie、小肥及王梓軒等人邀請上台唱出經典金曲《男朋友》，搞到一班網友又係時候聽返古仔嘅歌曲。。其實古天樂除了唱歌，「講國語」都係佢嘅強項，網友真係每睇一次都笑一次，而最近又有網友「溫故知新」，拎返古仔15年前到台灣宣傳專輯時的訪問片段，佢嘅半鹹淡國語，真係無字幕就一定聽唔明！

相關文章：

訪問中，古仔被指是話不多是因為不善言辭，而他就解釋，「我覺得不是，是因為我覺得，我想問別人一個問題，問題是用說，是用那個說話講的嗎？」當古仔講到呢個moment，都好似唔係好表達到自己想講咩，最後更掩面，顯露出一副好無奈的樣子。睇嚟講過國語對佢嚟講真係難過登天，但之後古仔仍然好努力咁用國語同記者做訪問，真係好專業！除了國語難到佢之外，原來拍喊戲對佢都好大挑戰，古仔表示可能自己經歷過太多事，所以變得唔係好識喊，仲話，「不會哭就不會哭，我覺得沒有甚麼問題！」好有霸氣！

其實古仔講國語每次都驚為天人，都唔係咩新鮮事。就好似佢9年前為內地輪胎品牌拍攝廣告時，片中的一句口號，「想節能，輪胎能」，真係「震驚13億人」！他的國語常常都會令人微笑，但古仔依然無放棄自己，接受內地媒體訪問時都盡力去表達，帶歡樂給大家。