劉綽琪下嫁患癌丈夫陪行最後時光　喪夫後堅強生活：我很好

港姐出身嘅劉綽琪參演過唔少劇集。（劉綽琪微博）

1997年參選港姐入行嘅TVB前藝人劉綽琪，約10年前離開香港返回美國發展，15年下嫁外籍男友，估唔到呢日就有報道指佢丈夫原來已經患癌離世。最近劉綽琪返到香港，同好姐妹張文慈聚會，心情睇嚟已經完全平復，佢亦喺網上留言話：「Don't worry about me! I'm doing perfectly fine!」

劉綽琪現年43歲，參加選美后1998年加入TVB成為合約藝員，曾與黃沾等主持《城市追擊》，同埋拍攝劇集《金枝欲孽》引起觀眾迴響。2006年轉投亞洲電視，隨即參與重頭劇《義無反顧》。2008年佢離開香港返回美國發展。報道指2015年劉綽琪下嫁外籍男友時，已知對方患癌，仍然不離不棄執意下嫁，陪住對方度過人生最後兩年時光。

睇返劉綽琪嘅社交網站，近幾個月來嘅留言都相當正面，佢回覆傳媒查詢時都表示自己天生開朗，情緒未受太大影響。報道出街後佢亦有轉載並留言話：「Haha... Don't worry about me! I'm doing perfectly fine! Just feel terrible for having Pinky involved. 張文慈 I am so sorry! 很抱歉 連累了你 so so sorry! 」仲笑言希望下次麻煩記者影得佢廋啲同靚啲會更好。