王浩信攞完視帝進軍電影　將拍懸疑片：試下唔同工作類型

王浩信及唐詩詠就以視帝視后身份現身big big channel於新加坡舉行的活動。原來他們今次的目的是宣傳《不懂撒嬌的女人》，好可惜今次他們只逗留幾個小時就要回港。王浩信表示特意叫fans不要來接機，「因為他們平時都要返工返學，我地又好早機到，所以叫佢地唔好嚟接機。」真係好有fans心呀！

早前終於拍攝完劇集《兄弟》的王浩信，竟然無休息而是去拍懸疑電影，但他表示暫時不能透露，工作排得密密麻麻。問到之後會否拍電影為主，王浩信就指演員都係好被動，「都想試下唔同工作類型，可以話係嘗試先。係一個咁集中嘅氣氛有一個演出，感覺好正。」

至於唐詩詠就話每次到新加坡都是以工作為主，「頭先一到埗，翠如就同我介紹烏節路，話呢度係最多人行街嘅地方。但我地今晚就要走，希望下次可以一齊嚟旅遊。」