敖嘉年被陳國坤催生B：玩人哋嗰個就過癮

敖嘉年今日一身皮褸造型，出席他有份主演的網劇«拳道»發布會，他在劇中與陳國坤飾演由細玩到大的兄弟。而在現實中，嘉年與陳國坤也是非常要好的老死。

敖嘉年與陳國坤，戲裡戲外都是好兄弟。（黃國立攝）

嘉年2016年與拍拖16年的圈外女友結婚，結婚一年幾，成日畀人催生小朋友，催得佢最勁嗰個可以說是陳國坤，無他，陳國坤同黃伊汶生了陳真這麼可愛的兒子，自然希望好兄弟也能加入爸爸行列，嘉年說:「玩人哋嗰啲就過癮，見到身邊啲朋友生完之後都瘦晒，連我媽都叫我哋唔好生喇，我同太太嘅心態都係一半一半啦，隨緣嗌，我哋兩個都係工作狂。」

敖嘉年同太太結婚後常被催生B，他說一切隨緣。（黃國立攝）

眾所周知，嘉年最愛玩電單車，常常在IG po電單車相，原來嘉年玩電單車是因為陳國坤，他說:「就係陳國坤令到我玩電單車，我哋成日一齊揸車周圍去。」電單車始終是「皮包鐵」不知道太太可有「詐型」，他說:「太太都有電單車牌，佢玩得仲癲過我。」

敖嘉年大爆是陳國坤令他愛上電單車。