【果欄中的江湖大嫂】44歲陳煒皮膚蛋咁滑 巴打話最恨俾姑姐虐待
撰文：陳栢宇
出版：更新：
無綫劇《果欄中的江湖大嫂》昨晚首播，亮點當然是陳煒、岑麗香、馮盈盈和江嘉敏等一班女角，你以為香香會係當中最Sharp的一個？咁你就大錯特錯喇！人稱「煒哥」的女主角陳煒先係最正、最令網友心心眼的一個。
煒哥一開始便以谷胸白色婚紗Look出場，加埋條閃爆的鑽石頸鍊，可能話係集高貴大方及美艷動人於一身，而之後亮相的貴婦造型亦絕不輸蝕。當鏡頭Look埋陳煒哥度時，一班觀眾都好清楚地睇到煒哥的皮膚好似雞蛋咁滑，一點也不似衝破四十大關，完全無視了高清拍攝這塊「照妖鏡」，相信同她平時常常飲自家製湯水有關。
【我瞞結婚了】陳煒6點後唔食飯keep身材 黑魔后：仲有啲暴露戲
陳煒藍田街市買料煲湯 單身女人要保養：唔enjoy都唔會去啦
不過，煒哥接受《香港01》訪問時就話自己平時冇咩點Keep，而且皮膚未夠好：「我覺得我自己需要休息多啲，多謝大家咁留意我，亦都感謝大家畀意思畀得咁高抬貴手。」提到香香在劇中叫他姑姐，又成日玩阮政峰，不少網友都話想畀她「虐待」兼嗌聲「姑姐」，她即笑謂：「我都好鍾意同阮政峰場餵橙戲，好搞笑，不過遲啲我落果欄就個個會叫我『大巴』，我諗大家到時會改口唔叫『姑姐』喇！」