《無限挑戰》劉在錫Haha下車 成Running Man金鐘國宋智孝翻版？
MBC長壽綜藝節目《無限挑戰》至今已經播出500多集，將近13年時間一直陪住熱愛《無限挑戰》嘅觀眾，就連今年年頭《無限挑戰》都有喺香港尖沙咀K11開pop-up store添！早前就已經傳出《無限挑戰》靈魂人物金泰浩PD會喺《無限挑戰》下車，尋日（5號）仲爆出劉在錫、Haha、朴明洙、鄭埻夏等骨灰級主持都將從《無限挑戰》下車，另用新人！
而即將接任金泰浩PD嘅崔行浩PD表示有意搵新任主持成員，近日都已經開始接觸心儀人選，而內部人士亦有透露「製作單位正跟藝人討論行程、提案以及開會當中，為咗迎接新成員都好積極行動中。」睇嚟搵角一事崔行浩PD勢在必行！
但係消息傳開之外就引嚟韓國民眾相當反感，紛紛留言表示：「咁樣有意義咩？不如好好地完結《無限挑戰》，重新再開過一個節目啦！」、「無劉在錫嘅《無挑》...諗下都覺得好尷尬。」事實上劉在錫係唯一一個由《無限挑戰》2005年4月23日開播至今仍有主持嘅成員，開國功臣都要下車，實在令人不敢想像。當初《無限挑戰》一眾成員送ZE:A（帝國之子）成員光熙入伍時，仲講過會等佢返嚟，睇嚟光熙退伍時，《無限挑戰》已經物是人非了。
另外《無限挑戰》功臣下車一幕，不禁令人想起SBS王牌綜藝節目《Running Man》中金鐘國同宋智孝版下車一幕！當時金鐘國同宋智孝喺事前都唔知道自己會被下車，只係知道節目要改制，喺完全無商量過嘅情況下被下車，除咗嚇壞當事人之外，都令一眾《Running Man》迷好嬲啊！唔知《無限挑戰》元老要被換血，劉在錫、Haha、朴明洙、鄭埻夏等人又知唔知呢？
更多圖片
請回答1997！Apink恩地晒扁咀相 睇完H.O.T《無限挑戰》感動到喊
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/