【白色強人】劇集唔止講醫生 馬國明：有政治成份探討醫療架構
撰文：黃梓恒
出版：更新：
《白色強人》準備開拍，今次劇集有兩個男主角，一個是郭晉安，另一個便是馬國明，兩人都是做一個醫生的角色。對於馬明做醫生，相信大家絕對不陌生，事關他在《On Call 36小時》入面做張一健（一件頭）真係十分深入民心，不過怕唔怕大家覺得差唔多效果？在接受《香港01》訪問時，馬明說：「好在就唔會，因為佢呢個角色同一件頭係好唔同，一件頭係熱血同比較新嘅醫生，而我今次呢部劇係做一個無欲無求嘅醫生，佢又唔要名又唔要權又唔要錢，喺醫生圈度浸咗好耐看破好多事。好在個角色係唔同，如果個角色似就好大獲，喺演繹上都幾麻煩。」
【白色強人】朱智賢首孭重戲有壓力 要狂背劇本：我諗要去自修室
除了角色不同之外，其實劇本都有唔同，今次仲有政治成份在裡面，馬明表示：「同埋今次個劇本同《On Call 36小時》係好唔同，《On Call 36小時》主要係講熱血救人，今次呢套除咗救人仲探討埋成個醫療架構，監製個野心比較大，佢想講埋香港個醫療架構下有無咩不公嘅地方，例如窮人無錢睇醫生，變咗個範圍大好多咗，甚至有政治嘢，例如啲議員嘅鬥爭，大商家喺醫療架構點搵錢咁。」今次同感情十分要好的唐詩詠合作，馬明覺得他們戲裡戲外都十分之夾：「好有默契㗎喇，我本身同佢又咁熟，今次我哋做一對離婚嘅夫妻又幾啱喎，我同佢咁熟就好似好啱做呢個角色，你知結過婚一定好了解對方，咁樣我同佢咁熟其實係好啱做呢個角色。」