盛傳鍾嘉欣被老公爆再懷孕　曾揚言要生夠4個

今日有報道指鍾嘉欣成功追到第二胎，由於佢仲未陀夠3個月，所以唔可以公開住，不過據說嘉欣老公Jeremy Leung因為太開心，忍唔住同啲街坊報喜，所以嘉欣再次懷孕嘅消息，成個加拿大華埠都知。

盛傳嘉欣成功追到第二胎，仲話係佢老公露口風。（IG圖片)

嘉欣於2015年同脊醫老公Jeremy Leung結婚，婚後誕下女兒Kelly Leung，因為與TVB約滿，嘉欣全面休養咗一排，安心養胎同照顧個女，等到Kelly大少少，嘉欣就開始回港自己接工作，不過據說囡囡Kelly唔係太適應香港生活，所以嘉欣要香港加拿大兩邊走。

嘉欣2015年同脊醫Jerely Leung結婚，之後誕下囡囡Kelly Leung，間中返香港工作，香港加拿大兩邊走。（視覺中國）

囡囡Kelly依家歲半喇，非常可愛。（IG圖片)

早前嘉欣同郭晉安去多倫多登台，有傳媒訪問安仔覺唔覺嘉欣大肚，安仔就話自己唔肯定，不過就話嘉欣當日間唔中嗌攰要坐低，唔知算唔算係懷孕迹象。睇返嘉欣當日著嗰條白色A line裙，腰線巧妙遮住小腹位置，種種迹象實在係可圈可點。

嘉欣早前去多倫多登台，呢條白色裙嘅腰線巧妙遮住小腹位置，令人看不出嘉欣是否懷孕。（IG圖片)

嘉欣好鍾意熱鬧嘅大家庭，曾經揚言要生4個，仲講過話等Kelly兩歲就追生BB，依家時間剛剛好，盡在計劃之內，雖然消息未經當事人證實，不過都恭喜定嘉欣先！