【發呆比賽】方力申張繼聰tag 人鬥發夢 全城挑戰發呆1分鐘
撰文：李妍樺
出版：更新：
之前14年網上見韓國搞發呆比賽，成班人坐喺草地度發呆，成個畫面非常搞笑，網民個個都好有自信話如果香港搞呢個比賽實贏梗。機會嚟喇飛雲，第6屆發呆比賽嚟到香港站，喺3月31號舉行，目的就係想大家輕鬆一下，關注都市情緒病，香港地人人壓力大，根據統計話每六個港人就有一位會患上情緒病，所以得閒冇事發吓呆，冇咁容易鬱到病。
專頁分別喺Facebook同Instagram就發起咗個叫「全城挑戰發呆1分鐘」嘅Tag，叫大家拍低發呆嘅1分鐘短片，自己要完全唔受外界影響嘅，之後再Tag 3個你覺得好需要發呆紓壓嘅朋友。藝人方力申身先士卒支持，仲Tag咗老友洪天明、張繼聰同蘇麗珊，真係相當搞鬼！