鄭希怡黃伊汶帶仔女去旅行　梁浸浸嘗試拖爸爸雪地滑行

鄭希怡（Yumiko）同黃伊汶（Emme）份外老友，佢哋差不多同期生仔女，所以佢哋嘅小朋友梁浸浸同陳真都好Close，除咗一齊返學，兩家人仲成日呼朋結友一齊去旅行，上個月Yumiko同Emme先拉埋應采兒加一班小朋友一齊去完蘇梅島，享受陽光海灘，成班細路柴娃娃非常熱鬧！呢幾日佢哋又出動去旅行，但今次就無應采兒同Jasper，不過陳真同梁浸浸都一樣玩得好開心。

Yumiko和Emme兩家人今次去咗日本白馬村旅行，陳真同梁浸浸手拖手，兩小無猜的模樣非常可愛，這是梁浸浸第一次玩雪，她非常精靈又有活力，除咗用滑雪板在雪地上拉陳真，仲嘗試拉埋比自己身形大份幾倍的爸爸梁學儲，真係非常有勇氣！而最搞笑的是平日很活潑好動的陳真，被媽媽Emme踢爆佢一去到雪地，第一件事就係瞓覺，非常可愛。