阿嬌「血背」刮痧照嚇死人　中醫師：氣滯血瘀顏色會偏深色

阿嬌（鍾欣潼）上月底宣佈與男友賴弘國閃婚，粉絲看到偶像在感情上終於開花結婚感到開心。但其實有一樣東西一直困擾著她，就是脊椎舊患。阿嬌為了減輕痛楚，就學習瑜伽拉筋以及不時刮痧治療。而她今日淩晨就po上一張（血背照），並指痛到爆炸，「請問這是人的背嗎，太誇張了，整塊皮好像給撕掉了一樣。」好多粉絲見到後好關心偶像情況，連好姊妹嘅阿sa都忍唔住留言「嘩！刮到咁傷嘅？！」

近年工作重心放在拍戲的阿嬌因為每次拍攝危險動作戲時都堅持「親身上陣」，難免會受傷，早年她更po出X光片並留言，「脊椎真的是各種歪。」，令不少粉絲心痛。見到有咁多粉絲擔心阿嬌的情況，記者為此亦訪問到中醫師楊恩劍寧，她表示在中醫學角度來說，刮痧是可以疏通經絡，活血化瘀作用，對一般痛症係有好好療效。對於今次有不少粉絲都被一大片「紅色」刮痧嚇倒，她就這樣解釋，「因為刮痧本身都痛，如果只要阿嬌自己佢患處有緩解到疼痛嘅話，治療都係啱嘅。」

她其後亦指出氣痧的顏色有幾個因素影響到，「第一嘅因素如果佢嘅體質係偏熱，氣滯血瘀，啲顏色偏向深色。第二就可能係阿嬌本身有一段時間無去刮痧，所以再刮嘅時候就會咁。第三就係本身醫師刮嘅時間太長，力度太大力都會顏色變深，但如果刮痧佢係感到舒服，呢個治療係正確嘅。」