落選港姐吳海昕紐約學成歸港做女一　自薦拍《毒。誡》《網戰》

《網戰》近日在無綫J2台播映，劇中除了有為人熟悉的「招積」張建聲之外，更有另一位新進演員吳海昕（飾演司徒若曦）。這套短篇劇集播映至今，網上口碑尚算不錯。無獨有偶地，劇中男主角張建聲與女主角吳海昕的照片並沒有出現在海報上，剩下的只是出現在片尾credit上。吳海昕接受《香港01》訪問時說：「其實唔緊要啦，出到個樣同埋有戲做已經好開心。睇返2年前嘅劇，睇出自己演技好生硬，不過就當係一個參考囉。」

【網戰】無綫借招積氣勢推2年前舊作 張建聲：估唔到TVB會見到我

唔講唔知，原來吳海昕於2014年參選香港小姐，雖然賽前一直被公認為大熱門，但是最終只獲「旅遊大使獎」，而賽後亦被網民封為「民選港姐」。吳海昕及後在一年的「港姐合約」完成後，就離開TVB到美國紐約修讀演藝課程。談及離開TVB的原因時，她說：「其實我嗰年已經25歲，如果我做完電視先再做電影可能over30歳，所以就想入行先拍電影。」吳海昕更透露為了修讀「紐約電影學院」（New York Film Academy）的Acting for Film課程，包括生活費一年內總共花了十多萬。」

常言道，「有付出才有收穫」。吳海昕亦都深知道這個道理，沒有「恃靚行兇」以為坐着上天就會給她拍電影的機會。她說：「履行咗港姐職責之後，就開始諗自己嘅出路係點。因為網路電視，電影都開始轉型，所以就覺得自己可以趁後生出嚟試下。」由紐約回港後，吳海昕並沒有因為「民選港姐」的名銜而變得一帆風順。因為事隔兩年，一切她都要從頭開始。「我仲記得返嚟之後要不斷去open casting（公開面試）。Casting都係遇到就去，每次都係當練習。好開心我做咗劉國昌導演嘅《毒。誡》，都係through（透過）open casting。」

問到紐約回到香港以至簽約電影公司之間的生活使費時，吳海昕説：「哈哈，其實我覺得係港台養咗我。佢哋好鍾意搵我做主持同一路都有拍佢哋嘅劇集，真係好好彩，加上都有拍網絡平台嘅廣告短片；其實我係處女座，本身就唔大使嘅，叫做夠我生活囉。」

吳海昕說：「呢年半時間都好好彩，走到去邊都有機會俾我。除了港台之外，ViuTV都有搵我拍《賤民20》、《瑪嘉烈與大衛》特別篇。」《賤民20》中，吳海昕更有不少意識大膽的鏡頭，不少網友亦大讚她在劇中的演出「夠晒癲」。她說：「拍呢套劇，我就係想俾人知道：我為咗做戲，可以放低自己嘅包袱。」

來到現在，簽約「耀榮文化」之後，公司就為她帶來了拍攝網劇《暗算天機》的機會，擔任女主角的她與沈震軒也有不少感情和親密戲份。問吳海昕有冇後悔過當初離開TVB的決定，她說：「我覺得人生係冇得諗返轉頭，以前所有嘅經歷都造就咗而家嘅我，無論成功或失敗都唔係對與錯。」